Мазмұнға өту
QonaqBookҚазақстан осы жерден басталады

QonaqBook аккаунтын жою

QonaqBook аккаунтын (qonaqbook.kz сайты және iOS пен Android-қа арналған QonaqBook қосымшасы) кез келген уақытта жоюға болады. Аккаунт бірден жойылады, мұны болдырмау мүмкін емес.

Қосымшада

  1. QonaqBook қосымшасын ашып, аккаунтқа кіріңіз.
  2. «Мәзір» қойындысы → «Жеке деректер» бөлімін ашыңыз.
  3. Экранның төменгі жағындағы «Аккаунтты жою» түймесін басып, растаңыз.

Сайтта

Аккаунтқа кіріп, осы беттегі «Аккаунтты жою» түймесін басыңыз.

Аккаунтты сайтта жою үшін оған кіріңіз — кіргеннен кейін осы бетке ораласыз.

Жою үшін кіру

Аккаунтқа кіре алмайсыз ба? Аккаунтта көрсетілген телефоннан немесе поштадан support@qonaqbook.kz мекенжайына жазыңыз. Сұрау иесінен екенін тексеріп, аккаунтты жоямыз және хатқа жауап береміз.

Не жойылады

  • Телефон, электрондық пошта, аты, тегі, азаматтығы және құпиясөз.
  • Google және Apple арқылы кіру, push-хабарламаларға арналған құрылғы идентификаторлары; барлық сеанстар аяқталады.
  • Жарнамалық хабарламаларға және WhatsApp-тағы хабарламаларға келісім; аккаунт нөмірі бойынша WhatsApp-тағы хат алмасу мәтіндері.
  • Аяқталған және бас тартылған брондауларда — сіздің атыңыз, телефоныңыз, поштаңыз және нөмірлердегі қонақтардың аттары.
  • Қонақ үйлерге қойылған сұрақтар аккаунттан ажыратылады.

Не сақталады және неліктен

  • Брондаулар мен төлемдер — иесіздендірілген түрде (қонақ үй, күндер, сомалар, атыңыз бен байланыстарыңызсыз). Оларды сақтауды Қазақстан Республикасының бухгалтерлік есеп және салық заңнамасы талап етеді: бастапқы есепке алу құжаттары кемінде 5 жыл сақталады, содан кейін жойылады немесе иесіздендіріледі.
  • Қолданыстағы брондаулар (төлемді күтуде, расталған, тұру жүріп жатыр) аяқталғанға дейін байланыс деректерімен сақталады — олар қонақ үйге сізді орналастыру үшін қажет. Сапар керек болмаса, алдымен «Менің брондарым» бөлімінде броньнан бас тартыңыз.
  • Шетелдік қонақтардың паспорт деректері (eQonaq хабарламасы үшін) шифрланған түрде сақталады және шыққаннан кейін бір жылдан соң жойылады.
  • Пікірлер жарияланған күйде қалады, бірақ авторының атысыз.
  • Пайдалану статистикасы (атыңыз бен байланыстарыңызсыз) 180 күнге дейін, қателер туралы техникалық есептер 30 күнге дейін сақталады.

Толығырақ — деректерді сақтау мерзімдері мен жою туралы бөлімдерде: Құпиялылық саясаты.